mm codex كوديكس طريقة لاندكسة المغرب من طاق طاق للسلامو عليكوم. نقوم بجمع معلومات مغربية او عندها علاقة بالمغرب او معرفة عامة  وترتيبها واعطاء لكل مكون رقم من 10 فما فوق مسبوق ب mm. هاد المعلومات غايكون عندها لاكسي بيبليك وعندها اتصال API  يمكن لاي واحد يانتيغريها عندو فموقعو او ابس تاعو.


مؤقتا نحرر لمعلومات عل موقعنا ويكي لمغرب
بالمغربية، ويكيبيديا باللوغة لمغربية “او الدارجة كيفما تيسميها خطأ شي وحدين” لا علاقة لها بموقع ويكيبيديا. ويتم اندكستها هنا. لمالقتيش لي بغيتي هنا، يمكن ليك زيارة موقع لمغرب بلمغربية.

تنعرفو بلي كوبي كولي ولات تتستعمل بزاف ومن كترت لكوبي كولي تيتنسا شكون مول لعمل الاصلي بل كاين لي تينسب لراسو خدمة عباد الله، هدا علاش جات لفكرة دلاندكسة دلاعمال لاصلية.

عندك شي عمل وتتخاف يتسرق ليك؟ او شي حد ياخدو وينسبو لراسو ويخرج فيك عينيه بلي هو لي دارو؟ احصل عل رمز مغربي mm لمنتوجك. لمنتوج تنقصدو به مقال، بحث، فكرة، كتاب، قولة، شعر، او اي حاجة تتحس انك انت لي درتيها ومادارها حد من قبلك .. ربما تا ستاتو فالفايس بوك .. بدلتي فيه مجهود باش تكتبو او تنتجو، وصفة دالطياب، تصويرة، كاريكاتير، نكتة، كلمة جديدة، فيديو. الشرط لوحيد باش تسجلو هو ان لعمل يكون ديالك او فيه شي حاجة انت لي تديرها اول مرة وايضا انشاء حساب بمعلوماتك الشخصية لحقيقية لي غانربطوه بلعمل. فموقعنا هنا تنسنعملو اللوغة لمغربية وبعض لاحيان لعربية. اي حاجة تسجلات، تنحتافضو بنسخة اوف لاين مع النسخة لي اون لاين.  مسؤوليتنا فقط هو اثبات انك نتا مول لعمل من التاريخ لي توصلنا به، مالم يثبت شخص اخر ملكيته قبل هاد التاريخ. الا ثبت انك سجلتي عمل شخص آخر، غايتم بمسح ديالو ومنع تسجيل اي شئ آخر باسمك مستقبلا.